Propozimi për martesë mbi Hënë për 125 milionë euro.
Propozimet për martesë po vazhdojnë të bëhen edhe më të quditshme.
Agjencia “ApoteoSurprise” do të vendosë nga viti 2022 mundësinë e propozimit për martesë mbi Hënë, e cila do të kushtojë 125 milionë euro. Kjo agjenci franceze ka ndihmuar çiftet që të organizojnë propozime të ndryshme nga më të çmendurat, mirëpo kjo që pritet të lansohet në vitin 2022 është më e çmendura deri tani. Në kumtesën e agjencisë thuhet se çdo person që është i dashuruar dhe i pasur duhet të rezervojë komplet organizimin e shërbimit, por para kësaj duhet të kalojë trajnimin fizik dhe teknik në kohë zgjatej prej 12 javësh. Nisja do të bëhet nga qendra e hapësirës në Florida, dhe udhëtimi do të zgjasë 3 ditë për të mbërritur në orbitën e hënës. Do të ndërprehet çdo kontakt me tokën për gjysmë ore teksa kapsula fluturon mbi anën e errët të hënës. Në një pamje fantastike të hënës, larg nga çdo kontakt njerëzor, nën tingujt e këngës “Fly Me to the Moon” të Frank Sinatras, beqari mund t’i kërkojë martesë vajzës që dashuron, me unazën që e ka të fshehur në kostumin e hapësirës. Pas kësaj ata do të kalojnë edhe 4 ditë duke u kthyer në tokë.
